(Нажмите на фото для увеличения изображения)

Предпразднство Благовещения Пресвятой Богородицы.

На этот день переносится с понедельника, 7 марта, празднование в честь Преставления свт. Тихона, патриарха Московского и всея Руси (1925).

Тропарь предпразднства Благовещения, глас 4:

Днесь всеми́рныя ра́дости нача́тки / предпра́зднственное воспе́ти повелева́ют: / се бо Гаврии́л прихо́дит, / Де́ве нося́ благове́стие, / и к Ней вопие́т: / ра́дуйся, Благода́тная, // Госпо́дь с Тобо́ю.

Кондак предпразднства Благовещения, глас 8:

Всем земны́м нача́ло спасе́ния на́шего Ты еси, Богоро́дице Де́во, / Бо́жий бо служи́тель с Небе́с по́слан предста́ти Тебе́, / вели́кий чинонача́льник Гаврии́л, / ра́дость обра́дованную Ти принесе́. / Тем вси зове́м Ти: // ра́дуйся, Неве́сто Неневе́стная.

Тропарь святителя Тихона, глас 1:

Апо́стольских преда́ний ревни́теля/ и Христо́вой Це́ркви па́стыря до́браго,/ ду́шу свою́ за о́вцы положи́вшаго,/ жре́бием Бо́жиим избра́ннаго,/ Всеросси́йскаго патри́арха Ти́хона восхва́лим/ и к нему́ с ве́рою и упова́нием возопи́им:/ предста́тельством святи́тельским ко Го́споду/ Це́рковь Ру́сскую в тишине́ соблюди́,/ расточе́нныя ча́да ея́ во еди́но ста́до собери́,/ отступи́вшия от пра́выя ве́ры к покая́нию обрати́,/ страну́ на́шу от междоусо́бныя бра́ни сохрани́,// и мир Бо́жий лю́дям испроси́.

Кондак святителя Тихона, глас 2:

Ти́хостию нра́ва укра́шен,/ кро́тость и милосе́рдие ка́ющимся явля́яй,/ во испове́дании правосла́вныя ве́ры и любви́ ко Го́споду/ тверд и непрекло́нен пребы́л еси́,/ святи́телю Христо́в Ти́хоне,/ моли́ся о нас да не разлучи́мся от любве́ Бо́жия,// я́же о Христе́ Иису́се, Го́споде на́шем.

Смотреть далее >>>